Kenniscentrum van de Stichting Stellingwarver Schrieversronte
Dokementaosiecentrum
As laeste plaetst

Stellingia

willingeprins_05

Stellingia is de webstee van et Kenniscentrum van de Stichting Stellingwarver Schrieversronte in Berkoop. Dat Kenniscentrum is ét centrum in Stellingwarf daor arg veul an (historische) onderwarpen beweerd wodden. Iederiene kan, nao ofspraoke, een bezuuk brengen an dat centrum.

Vanof 15-01-2014 kan iederiene ok gebruuk maeken van Stellingia, et digitaole Kenniscentrum. Op die dag bin van et tiedschrift De Ovend de jaorgangen van veur 2011 plaetst. Ok de deurzuukbere pdf’s van een flink tal, meerst uutverkochte, boeken bin plaetst. Butendat is ok al veul onderwiesmateriaol veur et basisonderwies opneumen.

Een grote groep vri’jwilligers zorgt veur et veerdere digitaliseren van alle materiaol dat in et Kenniscentrum opsleugen is. Elke maond zullen ni’je pdf’s, mar ok eer materiaol op de webstee plaetst wodden.

Vlag van de gemeente Weststellingwerf

Et gebruuk van Stellingia

In de linkerkolom van de thuusbladziede staon de heufdkattegerienen van et Kenniscentrum. Die indieling is dezelde as de indieling van et centrum zels. Deur een heufdkattegerie an te klikken kan veerder zocht wodden naor et onderwarp. Wie mitien in de Boeken, Foto’s of De Ovend kieken wil, die kan die onderwarpen ok rechtstreeks anklikken in de brune balke onder de fotoslider.

06gemeente

In opbouw

De kommende tied zullen de hieltied meer onderwarpen uut et Kenniscentrum op Stellingia plaetst wodden. Zo is ondertussen et vierdielige Stellingwarfs Woordeboek digitaal in te zien, en kuj’ sund meert 2015 ok de index van de haandbiebeltheek van de Stellingwarver Schrieversronte bekieken. De boeken zels bin nao ofspraoke in te zien in de studiekaemer van de Schrieversronte.

Eerdaegs zal ok de biezundere kollektie van Gerke P. Mulder plaetst wodden. Van de 43 jaorgangen van De Ovend is et merendiel now ok digitaal in te zien; an et maeken van een uutvoerige index van al die jaorgangen wodt warkt.

Wat d’r zoal in et Kenniscentrum én disse webstee te vienen is kuj’ zien deur disse link an te klikken.